അറിയിപ്പുകൾ
- വിശുദ്ധ ഫ്രാൻസിസ് അസീസിയുടെ എണ്ണൂറാം ചരമ വാർഷികം സ്പെഷ്യൽ ജൂബിലി വർഷമായി ആചരിക്കുന്ന ഈ വേളയിൽ, നമ്മുടെ ബിഷപ്പ്, തിരുഹൃദയ വികാരിയൽ shrine, പ്രാർത്ഥനയ്ക്കും ദൺഡവിമോചനത്തിനുമുള്ള ജൂബിലി ദേവാലയമായി തിരഞ്ഞെടുത്ത കാര്യം സന്തോഷപൂർവം അറിയിച്ചുകൊള്ളുന്നു. ഈ അവസരം പരമാവധി പ്രയോജനപ്പെടുത്തി പ്രാർത്ഥനയിൽ വളരാൻ ഏവരെയും ക്ഷണിക്കുന്നു.
- നമ്മുടെ പാരീഷിന്റെ ഇംഗ്ലീഷിലുള്ള നോമ്പുകാല ധ്യാനം മാർച്ച് 9 തിങ്കൾ മുതൽ, മാർച്ച് 12 വ്യാഴം വരെ Sacred Heart ദേവാലയത്തിൽ വൈകുന്നേരം 6.30-നുള്ള വി. കുർബ്ബാനയോടുകൂടി ആരംഭിക്കുന്നു. Sr Ann Maria S.H. നയിക്കുന്ന ഈ ധ്യാനത്തിൽ പങ്കെടുക്കാൻ ഏവരേയും ക്ഷണിക്കുന്നു.
- ഗൾഫ് രാജ്യങ്ങളിലെ പ്രവാസികൾക്കായി പ്രത്യേകം തയ്യാറാക്കിയ “Catholic Migration Bible” ബൈബിൾ സൊസൈറ്റി പ്രസിദ്ധീകരിച്ചിരിക്കുന്നു. ഇതുമായി ബന്ധപ്പെട്ട സെമിനാർ ഏപ്രിൽ 11, ശനിയാഴ്ച വൈകുന്നേരം 7.30-ന് സേക്രഡ് ഹാർട്ട് ദേവാലയത്തിൽ നടക്കും. എല്ലാ മതാധ്യാപകരും, മിനിസ്ട്രി ലീഡേഴ്സും, ലേ മിനിസ്റ്റർമാരും പങ്കെടുക്കണമെന്ന് അഭ്യർത്ഥിക്കുന്നു. നിങ്ങളുടെ പേരുകൾ parish office-ൽ രജിസ്റ്റർ ചെയ്യാവുന്നതാണ്.
- ഈ നോമ്പുകാലത്തു കൂടുതൽ ദാനധർമങ്ങളിൽ ചെയ്യാനും POSA-യുടെ നേത്രത്വത്തിൽ നടക്കുന്ന ജീവകാരുണ്യ പ്രവർത്തനങ്ങളിലേക്ക് ഉദാരമായി സംഭാവനകൾ നൽകാനും അഭ്യർത്ഥിക്കുന്നു.
- നമ്മുടെ ഇടവകയിലെ എല്ലാവർക്കുമായി ഇംഗ്ലീഷിലുള്ള Bible Quiz, “VERBUM 2026” മെയ് 15, വെള്ളിയാഴ്ച നടത്തപ്പെടുന്നു. Courtyard-ൽ വച്ചിരിക്കുന്ന ബാനറിലെ QR code scan ചെയ്ത് May 5-ന് മുമ്പായി രജിസ്റ്റർ ചെയ്യാവുന്നതാണ്.
- നോമ്പ് കാലത്ത് എല്ലാ വെള്ളിയാഴ്ചകളിലും ഞായറാഴ്ചകളിലും വൈകുന്നേരത്തെ വിശുദ്ധ കുർബാനയ്ക്ക് മുമ്പായി 6:15ന് മലയാളത്തിലുള്ള കുരിശിന്റെ വഴി ഉണ്ടായിരിക്കുന്നതാണ്. ഇംഗ്ലീഷിലുള്ള കുരിശിന്റെ വഴി എല്ലാ ബുധനാഴ്ചകളിൽ വൈകുന്നേരം ആറു മണിക്ക് തിരുഹൃദയ ദേവാലയത്തിലും, വെള്ളിയാഴ്ചകളിൽ വൈകുന്നേരം 4.15-ന് courtyard-ലും വച്ച് നടത്തപ്പെടുന്നു. നോമ്പുകാലത്ത് ബുധനാഴ്ചകളിൽ വൈകുന്നേരം 6.30നുള്ള ഒരു വിശുദ്ധ കുർബാനയും നൊവേനയും മാത്രമേ ഉണ്ടായിരിക്കുകയുള്ളൂ.
- First Holy Communion സ്വീകരിച്ച കുട്ടികൾക്കു English Altar Servers Ministry-യിൽ ചേരാനുള്ള സൗകര്യമുണ്ട്. റെജിസ്ട്രേഷനായുള്ള form, Church website-ൽ ലഭ്യമാണ്.
- February മാസത്തിലെ, ദമ്പതികൾക്കായുള്ള പാരിഷിന്റെ Wedding Anniversary Mass, February 28, ശനിയാഴ്ച വൈകുന്നേരം 6.30നുള്ള ഇംഗ്ലീഷ് വിശുദ്ധ കുർബാനയോടുകൂടെ നടത്തപ്പെടുന്നു.
- ഈ മാസത്തിലെ അവസാന തിങ്കളാഴ്ചയായ February 23-ന്, പതിവുപോലെ വൈകുന്നേരം 7.30-ന് മലയാളത്തിലുള്ള വി. കുർബ്ബാനയും തുടർന്ന് ദിവ്യകാരുണ്യ ആരാധനയും ഉണ്ടായിരിക്കുന്നതാണ്.
- നമ്മുടെ സമൂഹത്തിലെ ലീഡേഴ്സിനായുള്ള അടുത്ത quarterly മീറ്റിംഗ് മാർച്ച് 6, വെള്ളിയാഴ്ച, രാവിലെ 11:30-ന് Social Hall-ൽ വെച്ച് നടത്തപ്പെടുന്നു. നേതൃ സ്ഥാനത്തുള്ള എല്ലാവരും നിർബന്ധമായും ഈ മീറ്റിംഗിൽ പങ്കെടുക്കണമെന്ന് അഭ്യർത്ഥിക്കുന്നു.
- പ്രശസ്ത ധ്യാനഗുരു Fr. Bosco Njaliath നയിക്കുന്ന നമ്മുടെ സമൂഹത്തിന്റെ മലയാളത്തിലുള്ള നോമ്പുകാലധ്യാനം March 2 മുതൽ March 6 വരെ വൈകുന്നേരങ്ങളിൽ 6:30-ന് Sacred Heart ദേവാലയത്തിൽ നടത്തപ്പെടുന്നു. നിങ്ങളുടെ ജോലിസമയക്രമങ്ങൾ ഈ ധ്യാനത്തിൽ പങ്കെടുക്കാവുന്ന വിധത്തിൽ ക്രമീകരിക്കണമെന്ന് ഓർമ്മിപ്പിക്കുന്നു.